瀏覽人次:25721
回應:23
|
節衣縮食為了供樓
湯文亮博士
紀惠集團行政總裁
2017年11月12日
今年年宵市場的攤位投標價格與理想相距甚遠,有以低價投得攤位老友反而擔心,因為如果以高價投得,代表經營年宵市場的人認為市場的消費能力充沛,他們經營貨品以及開價都可以進取一些,現在他反而覺得市場失去了方向,但是他不明白,在股市樓市雙升之下,理論上大小投資者賺到不少錢,消費能力應該大增,好似1973年股市大升,股民以魚翅撈飯,但現在所見,除了年宵市場攤位價格急降之下,市面上出現不少空置舖位,甚至連著名商場都有吉位,這個現像與股市樓市蓬勃情況絕不配合,是否有一些因素他未能了解,老實說,老友的擔心不無道理,而事實上樓市繼續暢旺,消費能力會繼續下跌,現在還有股市支撐,很難想像,如果股市下跌,市面上的消費行業會萎縮至什麼程度。
今年新樓銷售情況熾熱,在首十個月總銷售額已經超過2,000億,但二手樓情況則未如理想,新樓雖然銷售熾熱,但對消費行業實質的幫助不大,因為新樓資金回歸至地產商,有一段時間才可以回到市場,而現在買新樓的人,大多數是實力不足,要窮兩代之力才可以買樓,結果是買樓之後,兩代人就要節衣縮食,在這個情況下,試問市面上消費又怎會理想,我估計在年尾的時候更多酒樓食肆結業,有記者問我,現在樓價繼續飆升,我有何話說,大家不顧一切,就算節衣縮食都要買樓,我又有何話說。
|
|
|
|
|
|
1. 真真薯片 2017-11-12 11:37:40
|
|
呢個情況同大陸一線城市一樣, 樓價升左上火星, 但係百貨公司水靜餓飛, 在下夜晚8點行深圳商場, 聽d店員吹水, 佢地既話題係今日開過單未, 都咪話唔得人驚, 話就話d人轉去網購, 零售係全球最大傭主, d人轉晒去網購, 零售業炒人對經濟傷害極大, 網購既結果係少100個零售從業員買上車盤(比人炒左買唔起), 造就幾個馬雲去買山頂豪宅
香港方面, iphone x炒唔起, 琴日夜晚去崇光, 竟然見到特價dyson吸塵機仲未賣晒, 真係有少少危危地
|
2. 儍牛 2017-11-12 12:08:50
|
|
最近D股票賺到多少,放假去商場食晚飯,水洩不通,排隊排到儍
|
3. 無奈 2017-11-12 12:58:51
|
|
昨外地有幸與博士巧遇,他鄉遇故知。
我們都是凡人,世事難測。
狄更詩名句: 這是最好的時代,也是最壞的時代;這是智慧的時代,也是愚蠢的時代;這是信仰的時期,也是懷疑的時期;這是光明的季節,也是黑暗的季節;這是希望之春,也是失望之冬;
不同人、不同時間自有一番感受,不必太認真。
|
4. 引刀一快 2017-11-12 13:15:25
|
|
樓市蠶食消費市場係一路都發生緊嘅事,香港之前冇咁明顯,係因為有大陸人自由行補位,而且補到凸,樓市就撐住喇,大陸經濟環境差咗咁多,最終必然影響自由行消費,香港綠洲論,只考慮綠洲會有動物聚集,冇考慮一旦地底水源起變化,就會鳥獸散。
|
5. 無奈 2017-11-12 13:21:30
|
|
「大家不顧一切,就算節衣縮食都要買樓,我又有何話說。」
已經進入了信仰的時代了⋯⋯
|
6. 老僧 2017-11-12 14:03:20
|
|
林鄭班子不去努力做地, 腳佢抄襲新加坡房屋政策的皮毛, 明火執杖為地產商搖旗吶喊, 助長聲樓價升勢。 升斗市民, 窮兩代之力,節衣縮食買納米樓, 其情可憫!
|
7. 鳥5. 2017-11-12 14:30:15
|
|
大陸網購佔零售3成左右(美国相約),香港而约15%左右(暫時),但5係全部行業可替代。。未來幾年地霸有3佰萬尺商埸落成,佢地會利益最大化管理,5知好定5好。。地舖就冇(商場游戲規則)。。不過出年单Y橋同高鐵出現。。大PooL生錢會好DD,需然5小係机埸客同羅湖客重疊,出年會好少少。加息預期(提速)下年快極第二季後。。19年就入深水區,(美国稅改(=减稅)誘發既通賬暫未計入)。。而美国而家係約1.7。2%到標再加(加息預期),心中有(數)。。。
|
8. 引刀一快 2017-11-12 15:03:14
|
|
|
9. 浪子心聲 2017-11-12 15:41:08
|
|
半年前行街食飯有點感覺市況不佳,晚市到八點都坐唔滿,行廟街更覺本地人和遊客都唔多,行得非常輕鬆,真係人唔多。但上個月,可能因為黃金週,情況好好多,食晚飯要等位,經過廟街覺得人多咗人。
睇到湯博士近日啲文章話年宵市場的攤位投標價格不太理想,但政府又話經濟增長高達3.5%,股市又升到二萬九,雖然CCL我唔多信,因為成交太少,但依然為持高位160左右,好多業主仍然感覺良好,所以我個人認為香港經濟在未來一年未必太差,可能都係橫行格局,甚至有輕微上升動力, 主因美國和中國都希望經濟平穩發展,大波動大調整應該無咁快發生!
現階段樓價主動權仍然在地產商手中,一手唔會減價,但又無能力大幅加價,都係橫行格局,但當搵地小組交報告後,林太有足夠支持全力開發土地後,情況就應完全不同了,到時地產商啲較差的樓盤應該走得七七八八,2018年中樓價有機會開始慢慢調整,但調整依然輕微,還需等待股市在2019或2020年調整時才有機會進入真正的調整期,所以湯博士嗰句「早買早享受,遲買欠債少幾球」真係講得好啱㗎!
|
10. 收租王Tony 2017-11-12 16:10:34
|
|
嘩!冇黎地產網幾年! 朋友send條Link話俾我笑下,一Click入黎竟然仲見到淡刀兄淡刀未老,堅信樓主總有爆煲既一天! 細價樓爆煲論(細價樓升到上火星咁L濟,等跌既火爆程度真係要爆啦!) 我自爆煲論之後,你有你唱淡,我有我入貨,呢段時間真係好q忙, 當年既讀者如果今日仲係原地踏步既,應該都賴晒野
人生冇幾多個十年,俾你地等到大跌市,果陣可能已經60歲,老婆一早走Q左,按揭又做唔到,租盤又冇人肯租俾阿伯,退休金又用黎幫業主供左40年樓,安老院床位又要等10年,真係好q慘....
都係果句,信人不如信自己。
信一個連細價樓都未買過既磚家都唔信一班睇通細價樓前景既網友,
賴野,仲可以怪邊個...
祝君好運..^__________^
|
11. 祝君好運 2017-11-12 17:06:29
|
|
收租王Tony,你過去兩年入咗好多細價樓(納米樓)??
祝君好運..^__________^
|
12. 真真薯片 2017-11-12 17:12:46
|
|
寶盈花園白表創新高價12xxx成交, 但係呎價連地價仍然平過政府推售既翠領峰 (7折後9000, 即係連地價賣緊13000蚊呎, 仲要係樓花, 用家要租多3年樓)
即係正苦以超越創新高價去賣資助房屋, 為市場創新高價定位, 正苦帶頭要賺大錢, 依家正苦話比市場知資助樓都賣13000, 平過佢就叫低水, 咁個市有咩辦法唔再創新高?
|
13. 引刀一快 2017-11-12 17:53:07
|
|
收租王你好,好耐冇見,哈哈
講得啱呀,人生冇幾個十年,孭三十年債去供間納米屋,剩低二十年冇得享受,咁嘅人生,又真係幾慘淡嘅。
自從你有你買香港細價樓,我有我入大灣區嘅大陸屋之後,睇怕都有賽果喇,香港人住大灣區唔使入安老院咁悲,可以請廣東嘅阿姨服侍。買細價樓嘅前景就係咁,早就睇通嗮喇。
不過,我唔敢喺度打紅字信覆你,呢樣你win喎,恭喜恭喜。
|
14. 引刀一快 2017-11-12 17:53:09
|
|
收租王你好,好耐冇見,哈哈
講得啱呀,人生冇幾個十年,孭三十年債去供間納米屋,剩低二十年冇得享受,咁嘅人生,又真係幾慘淡嘅。
自從你有你買香港細價樓,我有我入大灣區嘅大陸屋之後,睇怕都有賽果喇,香港人住大灣區唔使入安老院咁悲,可以請廣東嘅阿姨服侍。買細價樓嘅前景就係咁,早就睇通嗮喇。
不過,我唔敢喺度打紅字信覆你,呢樣你win喎,恭喜恭喜。
|
15. 無奈 2017-11-12 18:57:30
|
|
|
17. 我要說: 2017-11-12 19:57:49
|
|
楼價長期趨勢是升的.短期升跌是人為!現今買楼考慮问是否能保值?這個是看你們買的是什麼地段?什麼價格?如果你買市區二手傳統屋苑(35年以上)问题不大,因為它們的價格只是地皮價,有些屋苑價格比地皮還低很多!年輕人買入地皮價的楼理倫是與地產發展商站在同一水平線上可以一守,如你買入地產商己發展的缩水新楼只付20%首期必不能守.有人說:你要住新楼,不必買新楼;你要買舊楼,就能租新楼!大家認為如何?
|
18. 鐖鍏 2017-11-12 20:38:06
|
|
現在低息環境下,買樓最困難是畀首期,不是供樓。没父資產的怎節衣縮食都儲不到首期,有父資產的又用不着要節衣縮食去供樓,即使供兩層又如何?分三十年供都不用節衣縮食
|
19. 不上車的代價 2017-11-12 22:16:01
|
|
2003年淘大兩房才60萬,當時5%(按保)首期,加了3%保費,加傭金及100蚊印花稅,6萬蚊已可以上車。已經升到600萬,賺100倍,未計14年租金收入。其間又賺埋超低息供樓優惠,供樓利息還可以扣稅。
好多像引刀這様的儍淡一路等跌等到依家,輸機會成本都輸死。一早上車,又何須淪落到去大灣區退休咁折墮?
|
20. 淡友的誤區 2017-11-12 22:33:09
|
|
淡友最大的誤區,就是認為大陸經濟好,樓價升,香港就玩完、而港樓就要大跌價,大平賣。
他們看不到大陸最有錢的權貴(土豪,名星,專才)都排隊想做港人,想買港樓的事實。
所謂人望高處,有錢有能力的大陸人都想做香港人(如馬化騰)。只有冇本事在港置業的廢人,才會沉淪到要搬到大湾區。悲哀!
|
21. 自己攞来衰 2017-11-12 22:45:44
|
|
|
22. 引刀一快 2017-11-13 05:13:12
|
|
|
23. 説能力也對 2017-11-13 07:58:06
|
|
套用林奮強說的,有能力就買香港的,沒能力的便往外買吧!
|
24. 引刀一快 2017-11-13 12:16:53
|
|
|
|
|
|
|