地產博客
瀏覽人次:23111    回應:9
文亮言

財仔準備殺毋赦

 

湯文亮博士

紀惠集團行政總裁
2017年9月26日

  在美聯儲局宣布縮表以及標準普爾將香港降級之後,有經營財務公司的老友跟我說,在第四季的銀主盤將會大幅增加,因為財仔準備殺無赦,我叫老友小心用詞,用殺無赦很容易搞出政治風波甚至惹上官非,誰不知老友話,今次財仔行動,如果不用殺無赦,搵唔到更佳字眼來形容,咁大件事,一定要了解一下。

  現在按在財務公司的物業,只得一按是絕無僅有,最低限度都有三按,最初,那些業主都是借一按,但經過一兩年之後,見已按物業升值不少,他們供款亦有多少困難,經常脫期被追數,他們恐怕物業被財務公司沒收,於是問另外一間財務公司借二按,不但可以清還所欠供款,並且可以得到一筆錢應急,在未夠一年之後,那些人要借三按才可以解決問題,如此類推,借四按五按的大不乏人,而承做三四五按的大多數是新進財務公司,他們雖然收取很高利息,但只是帳面數字,那些債仔很多時都會斷供,甚至連一期供款也不還,在以往,由於樓價持續上升,那些新進的財務公司是會經過合法途徑追討,如果業主賣樓,是絕對可以收回貸款,但現在情況有變,那些債仔根本採取不扺抗政策,但始終唔還錢,現在財務公司唯一可以做的事就是殺無赦,他們會沒收債仔物業後出售,而且情況將會持續一段長時間,數量則會愈來愈多,有物業按在財務公司的人應該小心一些,因為財仔準備殺無赦,他們的物業很容易就會變成銀主盤。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 真真薯片 2017-09-26 10:27:58
細價樓爆煲論主角到底幾時全面進場?
2. 小文員 2017-09-26 11:01:38
經博士石破驚天提醒, 洩露天機, 已無細價樓爆煲, 也沒有主角了
3. 博士粉絲 2017-09-26 11:45:57
1/F,係囉,我都買定青島同萬里望,留黎欣賞點殺無赦😄😄😄
4. CKW 2017-09-26 13:21:30
any figure?
5. 香港好彩 2017-09-26 15:03:44
2/F,現在經博士提醒之下應該不會發生了。
6. 十一哥 2017-09-26 15:44:28
何狀就用…殺無赦、張主任就用…零容忍、意義一樣…用字唔同啫、不過…班反民小學鷄8婆仔…如獲至寶…今次仲捉你唔倒、呢D正常嘅、最不知所謂…就係班猪隊友…跳出嚟抽水…尤其果位…怨婦大家姐。


7. 真真薯片 2017-09-26 16:12:31
話說大脾人釘人去左邊?

如果呢條友最後可以無事, 就真係鬼到不得了
9. LC 2017-09-27 07:25:57
 金管局數據顯示,負資產按貸既情況在 2016 第一季黎有 1400 宗左右,果陣岩岩樓市調整左 10 幾個點,都係銀行業職員同做保險做 9 成上會既人有關,重點係無人斷供。五成首期既限制其實係香港發輝左好大作用。相信係銀行体系入面借錢既人在縮表加息既情況下都唔會供唔起而變成銀主盤。
  
    加埋上年金管連二按都有提示管制,銀主盤只有 150 宗左右,對於 百幾香港單位來講,連冰山一角都無,唔好話而家香港環境噤好,就算97 香港衰退期,都係得一萬個銀主盤,香港人既財力經過二十年之後,我相信唔用打不死 ,都可以用功力深厚黎講,十年前只有三十多萬人係百萬富翁,而家超過 10%人口有百萬現金係手,只要係香港人搵錢多左,如果錢唔會自己消失既話,噤購買力只會越黎越強,我相信樓市重係穩健。

      財仔借錢收唔返,估計有兩個情況最急,一係拖欠多時,二係財仔本身等錢周轉,如果唔係都唔會祼黎搞。未必有噤多人力物力,以1800 間財仔,我當間間都有一到兩個盤要做銀主。以而家市場既消化力,我諗唔洗兩個月,無賣八成都賣左七成。
10. LC 2017-09-27 07:36:50
小第見好多中產到而家都係未出手買樓,因為睇住個樓市升左上黎,等緊佢跌,我相信如果CCL 跌得返去 120 左右,對好多代現金既人己經算係好吸引,始終香港跟住大陸一齊上,搵錢既能力應該會再上一層樓. 唯有錢人同無錢人既量目必定會進一步拉開,香港既空間太少,比較太多,E 個係香港人唔開心既地方,如果講有錢人同無錢人既距離,我相信未及國內主要成城既一半,人地三千蚊人工D樓賣到 五六百萬,比起香港成皮野人工五六百萬樓,我諗差一半都未只。