地產博客
瀏覽人次:46764    回應:36
文亮言

未來三個月樓市仍然會上升

 

湯文亮博士

紀惠集團行政總裁
2016年7月25日

  樓市突然止跌回穩,令到很多專家都大跌眼鏡,我亦唔例外,不過,我早在三四個月前已經話如果是自用,又能夠負擔得起,啱價就可以買,雖然說話仍然是保守了一些,但在不少專家預測樓市會下跌三四成之際,我叫人啱價就可以買樓,其實已經很大膽,不過,那些預測樓市會下跌三四成的專家是沒有輸,因為他們話在未來兩三年樓市會下跌三四成,現在半年還不到,話他們輸的確是言之尚早,不如講未來三個月的樓價是否會高過現在,千祈唔好以為三個月的預測是很容易,其實,預測樓市,長遠比短期更加容易預測,長遠上升的機會大過下跌很多,短期又不同,如果某些因素出現,會立刻影響樓市走勢。

  如果問我三個月後樓價,我相信會高於現在,尤其是以超級豪宅為甚,不過,在整體而言,亦比現在會高2至3%,各地產商早已密鑼緊鼓,想盡辦法推銷手上新樓盤,大家或者質疑我有什麼理據,老實說,是沒有,在三四個月前,識抑或唔識的人都會問我幾時可以買樓,現在他們會問,買得樓未?單是問題轉變,就知道不少人現在已經有打算買樓,在英國脫歐之後,大家對加息的戒心消除,在最近三個月睇樓量大升,這會影響未來三個月樓價,就算唔升都唔會下跌,這是我話未來三個月樓市上升因素之一。

  不少國內人士趁暑假到香港,除了一般購物之外,更加會買香港樓,現在他們手上國內物業價值暴漲,香港樓價憔悴,兩者相比之下,港樓顯得非常抵買,相信有不少將國內物業賣走的業主會買返香港樓,即是轉倉,投資策略之一,所以,我認為三個月後樓價是會高於現在。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱
密碼
1. 123 2016-07-25 09:00:04
信樓市專家唉!李家誠經常都說買樓自住幾時都可以買
2. HW1 2016-07-25 09:25:58
CCL今年最後一星期好大機會升到137點。全年CCL居然有得升,勢估唔到英国脫欧居然引爆香港樓市,依家搞到全城缺盘。
3. 不祥之兆 2016-07-25 09:25:59
作為一個醒水的美國總統,一定會係上任之初,刺破上一手留低的經濟泡沫.
之後再係 第3年~第4年之間,救番好經濟.....方便連任.......

作為一個負責任的中國領導人,一定會係美國刺破經濟泡沫之前,自行硬生生打爆中國經濟炮沫(或者強行令到經濟衰退) , 好讓國家免受國際炒家沖擊......

美國選完總統之後,會唔會就係 大凶亡日
4. 準業主 2016-07-25 09:31:47
咁快又跌完,等下次調整又唔知幾時,下次调整又唔知低唔低過宜家,恶搞。
5. Oscar Lam 2016-07-25 09:42:41
同意博士的分析。最近一、二個星期,我有幾位前幾年未入市買楼的朋友突然在商量準備入市,原因是前幾年一直等楼價跌不成功,就算從去年底开始樓價有了短暫調整,現在又开始平稳了。他們开始担心會否越迟買越貴?

當有很多人开始相信未來樓價会向上并積極入市的時候,楼價就會真的上升了。

6. 烏5 2016-07-25 09:59:46
3個月難估喎,不過發展商比上半年更積極。但價5落offer多。絕不惜貨。。

7. 神算 2016-07-25 10:31:57
同意湯生講法,樓市短期調整已完成,下半年應該平穩過渡。
8. 打工仔 Andy 2016-07-25 10:44:50
博士幾個月前已叫有能力, 有需要嘅人可以上車, 如果幾個月前成功上車, 现在更可以安心工作, 專注事業發展, 真係要感謝博士提點呀! 

博士好波! ! 
9. 無奈 2016-07-25 12:45:26
遲來的報告,一個月前朋友的租客要搬出,未到搬出日又成功出租了,好像真的缺盘了。
10. 引刀一快 2016-07-25 12:56:48
Oscar Lam兄講出重點,亦係以前懶人兄提及過嘅,市況人心。

今日我都做下好友先。

住,係剛需

賺錢,係剛需中嘅剛需

唔想蝕錢,就係剛需剛需剛剛需
11. Carson 2016-07-25 14:12:08
我覺得唱淡同唱好都係一窩蜂, 特別係俾某幾份大報章所左右, 而嗰幾份大報嘅消息來源就係地產代理.
12. 引刀一快 2016-07-25 14:22:17
咪係!
13. Tony lam 2016-07-25 14:44:17
樓市高位運行係共識、單位數上落平常之至、地代就嚟渴死、自然一點水都唱到就落大雨、有力嘅買樓跌咗最多赤入骨、冇力嘅咁貴上咗車、真係會呢世人就為層樓嘞。
投資  ? 聽我講呢排撈#16同#1113都計得數啦!幾個禮拜就掂、乾手淨腳食淨肉、點洗綁三年。
14. 廢話 2016-07-25 14:52:44
咪講到真嘅一樣以為D地代咁有本領可以操控樓市啦天真
15. Tony lam 2016-07-25 15:27:40
量化D銀冇見直升機散比你 ? 都係打份工出份糧、加咗人工D嘢跟手又貴咗得啖笑、通縮就賤物鬥窮人、通賬就揾極唔夠使、平民百姓好易戥人高興。

D樓咁貴、打工仔買咗自住真係冇壓力 ? 上咗你膊幾重就係幾重、升咗都唔関你事、除非諗住升咗就賣、咁呢就睇彩數嘞 !
16. Tony lam 2016-07-25 15:40:21
冇錯  ! 樓市而家好好路、不過要小心自己咪賭大咗、托番嚟嘅會輸死人、老湯馬交地膽會好有體會。
17. 8樓. 打工仔 Andy 2016-07-25 16:53:59
幾個月前啲人話樓價將跌七成喎,唔信,睇片:

http://hk.apple.nextmedia.com/realtime/finance/20160725/55403948

【機會‧眨眼就無】煥然壹居甩底客走寶 收樓客:唔揀,連機會都無

市價八折出售的房協九龍啟德煥然壹居「甩底客」走寶了!當日超額認購36倍,篩選後合資格認購人士逾3,000人,怎料今年4月揀樓,正是樓市低迷時,最終得323人去揀樓,甩底客近9成。然而年初至今,樓市大返身,反映大市的中原城市領先指數回升1.9%,同區二手樓譽‧港灣亦就由低位反彈5%。想用呎價1.1萬元買啟德私樓?暫時無。

煥然壹居4月初開賣,首日揀樓,邀請68組準買家,結果僅20人出席,「甩底客」7成,當天僅售19伙。後來甩底率越來越高,去到5月中,甚至乎40組獲邀揀樓人士全部甩底。最後埋單,沽出323伙,昔日3,000幾個合資格人士,最終九成甩底。事關隨住大市下跌,折扣率一度由原定8折,經當局重新估值後僅86折。至於賣剩15伙,據悉計劃明年市價推售。

怎料樓市翻身,反映大市的中原城市領先指數CCL,已由今年低位127.46點,今日回升至130.5點,升幅2.4%。與煥然壹居同區、樓齡較新的二手樓譽‧港灣由今年4月中錄得低位13,398元,回升至目前14,062元,升幅5%,八折呎價是1.1萬元。以煥然壹居一個兩房單位計,實用449方呎,售價500萬元,呎價1.1萬元,換言之,已重回市價八折水平。

煥然壹居業主陳先生當初獲籌是無機會揀樓,無諗現在買到,「籌號600幾,佢得300幾個單位,如果個個出席,我係揀唔到樓!」然而樓盤開賣正值樓市跌勢,最終9成買家甩底,籌號600幾的陳生竟然有得去揀樓,「個刻猶疑,掙扎,因為定價在去年12月,當時樓價都幾高,到我揀樓個陣,樓市跌咗15%。」

睇過單位,心大心細,「前面好多人甩底,原本無機會變成有機會,我就覺得唔揀,連機會都無。唔係次次都抽咁前。我幫個女買,有機會得來,又好多人無揀,變得排好前揀樓,容易揀到理想嘅位置。又睇過單位手工、用料,都幾好,物有所值。同埋樓盤黏住地鐵站喎,仲係九龍區,好,就買呢樣嘢!」

記者:陳家雄

18. CD ROM 2016-07-25 17:15:52
其實跌又無乜跌, 升又升得快, 真係有時有d不安ga...

其實近月豪宅當然大旺, 其實上車盤同樣復甦既速度同反應都好誇張ar~~~~~~~~
19. CD ROM 2016-07-25 17:19:25
回#17, 有時想做醒目仔係要代價gae, 1.1萬我怕越秀都買唔到了......

真心恭喜有買煥然既準業主!!! 
20. 回#17樓,好信唔信,信廣州傻B講?! 2016-07-25 17:48:33
今時今日,係咁樣買樓架,唔信,睇片啦‧‧‧!

第一城兩房1周3破頂

樓價跌得快、升得快,在交投氣氛支持下,向為上車市場「導航定位」的沙田第一城兩房單位,在一星期間成交價三度破頂,剛有連天台兩房戶以440萬元沽出,創今年同類成交價新高,但去年同類最高曾售480萬元。而荃灣愉景新城低層戶,僅減2萬元後,即以518萬元轉手,同座同室單位,四個月間樓價升逾11%。

市場消息稱,沙田第一城30座連天台單位,實用面積327方呎,屬「無窗台」兩房戶,剛以440萬元轉手,實用呎價約13,456元,成交價創今年兩房戶新高。屋苑兩房戶成交價,七日三度破頂,連同「有窗台」兩房戶,上周中售408萬元,實用呎價14,366元屬今年新高呎價紀錄,期內屋苑樓價更已四度破頂。

愉城四個月升值11%

事實上,沙田第一城兩房戶於三月時樓價曾跌穿320萬元,樓價四個月後再度急升。美聯翁凱傑稱,同類連天台兩房戶,去年樓價曾升至480萬元。據了解,昨易手破頂價單位,原本開價亦為440萬元,有準買家曾出價430餘萬元洽,但原業主見樓市氣氛轉旺,故拒絕洽購,終零議價下沽出。屋苑本周末錄4宗買賣,本月則錄約30宗。

美聯梁仲維稱,愉景新城本月錄5宗買賣,已超上月全月4宗,屋苑10座低層G室,實用面積483方呎,放盤一個多月,向來難約業主睇樓,僅減2萬元後,售518萬元,實用呎價10,725元,同座樓高逾20層同室單位,三月以465萬元成交,四個月樓價升約11.4%。

各區續錄今年新高價成交。六福行黎樹森稱,粉嶺碧湖花園兩房戶,年初售價288萬元,屋苑1座高層F室,剛售375萬元,創屋苑兩房今年新高,實用呎價9,375元;同區花都廣場6座中層三房戶,成交價484萬元,亦創屋苑今年新高,實用呎價9,202元。

兆禧兩客爭 零議價售

市場再現搶細價盤情況。置安居蘇永耀稱,屯門居屋兆禧苑D座低層戶,叫價265萬元放盤,即引來兩組客同場爭購,由睇樓至落訂僅約一小時,即零議價以265萬元沽出。

中原陳暉稱,馬灣珀麗灣本月錄25宗買賣,已超上月全月15宗。美聯王子超稱,上水區本月暫錄約26宗二手買賣,已超越六月錄約24宗,有上車客原物色樓價370萬元的兩房私樓放盤,睇樓近兩星期,見私樓叫價回升至400萬元,終放棄購私樓,轉以330萬元購入同區居屋彩蒲苑D座低層28室,實用呎價8,376元。

21. 回#17樓,好信唔信,信廣州傻B講?! 2016-07-25 17:51:36
今時今日,係咁樣買樓架,唔信,睇片啦‧‧‧!

大屋苑交投一年最旺 太古城日開5單

購買力重回二手市場,即撻着周末二手市,代理行指,過去兩日十大屋苑錄約24宗成交創逾一年多新高,按周激增近1.7倍。向來為樓市寒暑表的鰂魚涌太古城單日更錄5宗成交;同區康怡花園僅餘2個鎖匙盤,無樓睇下交投捧蛋,但有業主兩日開門逾十多次睇樓後,終「嫌煩」封盤。

嘉湖最旺 3屋苑捧蛋

中原稱,過去兩日十大屋苑錄24宗買賣,按周急升167%,創十四個月新高,成交集中於新界屋苑,嘉湖山莊錄8宗最多,仍有3個屋苑零成交。

該行陳永傑稱,英國脫歐後,股市動盪,資金轉投較穩健之物業市場,美國加息機會微,亦加強買家入市信心,樓市有見底回升迹象,觀望買家加快入市,帶旺睇樓及交投。

中原張光耀稱,太古城昨單日錄5宗買賣,全月錄23宗,除美菊閣高層C室,連租約售1,410萬元;另龍山閣中層A室,連租約以700萬元轉手,低市價10%,實用呎價約1.32萬元。市傳由投資集團持有翠榕閣低層A室,亦以1,795萬元沽,實用呎價1.61萬元,該集團年內連沽屋苑3伙。

該行伍耀祖表示,嘉湖山莊周末交投較上周大升,屋苑樂湖居11座高層H室,採三房間隔,成交價430萬元,實用呎價7,832元。美聯劉浩勤表示,將軍澳新都城全月錄17宗成交,日前1期3座高層B室,反價5萬售455萬元後,同座同室高四層單位,即以468萬元沽。

康怡匙盤僅剩2個

康怡花園周末未錄買賣,中原楊文傑稱,屋苑現僅餘120個買賣放盤,較去年跌逾33%,當中只有2個鎖匙盤,創歷史新低,有兩房園景戶業主,叫價630萬元放盤,在假日開門睇樓逾10多次後,終嫌「麻煩」而封盤,相約睇樓更難,同區南豐新邨更只餘1個鎖匙盤。該行預期,本月將錄5,300宗樓宇買賣登記,按月跌12.1%,金額約365億元,按月跌8.1%,預期第三季宗數可逼近2萬宗。

十大屋苑過去兩日交投

22. Tony lam 2016-07-25 20:35:18
兩日成交倍增、聽落好勁、睇真個量得啖笑、低基數一變二即係多咗一倍、高位而真係交投暢旺時、就要小心嘞、當D貨強者肯賣比供樓者時、防守力就弱好多。

合資格買居屋嘅市民、梗係冇得勇啦!唔安心就Looking、點可以取笑佢地走寶、輸贏未知。
23. 假難民 2016-07-26 08:23:11
ㄧ定要等到取消辣招先買,而家食下花生先啦,見到D所謂專家完全冇自己立場,家陣個個話升,㸃解之前所講既中國債務問題,香港經濟衰退,未來兩年有大量新盤,以及脱歐問題乜解決晒了嗎?香港人及各大所謂專家算了吧,見到個市穏定番少少,就改變晒自己既睇法,ㄧ窩烽唱話要入市,你們太膚淺啦,我始終覺經濟衰退及政府唔減辣先至係升市既最大阻力,我仍然覺得發展商都係急速散貨,今次唱好係各大傳媒及地產商ㄧ起設下這個陷阱,其實美國7月都有幾加息架,如果真係加息,各位專家又話跌啦,真係悲哀,預測今年全年都係跌10-18%,4567月入貨既朋友,你地只係赢在虛擬世界,因為你地已經被辣招綁住左啦,而家後悔都冇用啦,因為今年3至9月只係回光反照,2017年,必定大量銀主盤湧現,加上陸續有新盤收樓,而2018年也市最多樓宇供應,睇怕2018年至2019年,應該先至係入市良機,因為......
24. 收租王Tony 2016-07-26 08:32:17

冇見一排

點解d磚家面皮可以厚左咁多...^_______^

真係唔怕俾人笑...


起碼我身邊d朋友已經笑到訓唔著,只係個磚家仲自我感覺良好...哈哈哈

25. 七個高人 2016-07-26 09:52:13
假難民兄,

當大部份用家都比辣招鎖住,邊有盤賣?賣條鐵咩?大跌機會不大。
26. 假難民 2016-07-26 19:53:30
其實我唔明收租王既朋友係邊方面笑到瞓唔著,分享ㄧ下吧!

7個高人: 邊有盤賣?2018年大量供應任你楝。
27. v哥 2016-07-26 22:39:04
To 26 樓,
其實落成量同賣樓量可以唔一致的。 我係政府網站搵左過去20年嘅年度落成量同一手交易量做比較, 發覺地產商係可以hold住啲樓兩到三年先賣。你有興趣我可以找回資料給大家研究下 ^_^
28. 引刀一快 2016-07-27 04:21:02
可唔可以係一回事,會唔會又係另一囬事。

要hold點解依傢賣得咁進取?
29. 收租王Tony 2016-07-27 08:33:16

26兄:

聽林太講,呢排d磚家應該都飽晒!

又唔知我d朋友笑乜?又唔識邊個係林太?


我勸你都係出去外面個世界見識下,唔係近近地去香討地鏟版望下,睇下人地宜家笑緊乜..


一係下載個捉精靈Apps出去外面個世界行多d,坐下坐下好快又10年架啦!^_____^


30. 假難民 2016-07-27 09:28:32
To 收租王
原來你地笑既原因,係樓市上升?請講清楚,我仲未明白。
31. 假難民 2016-07-27 10:20:16
To v哥

我覺得今年不能用這個數據,因為今年所發生過既事已經同以前不同,係,以前係hold2-3年,今日呢係搶攻賣樓變現,連有D樓花,樓都未見就賣,可見發展商急於變現。湯生寫呢篇文,好明顯就係認為11月美國大選係ㄧ個變數,所以都唔敢寫得太遠,我相信湯生既文章已經有兩手準備,開始寫美國大選既話題。

脱歐令加息減慢,模擬令部份資產平穩,但人仔貶值令國內部份(只係部份)資金落黎香港買樓,呢個係事實,但係睇唔到好似03年掃貨既現象出現喎,仲有就係人地大把錢ㄧ筆過買,輸得起,香港人呢?相信大部份都要借8-9成(有D借凸添),仲要緊緊過到壓力測市,供25-30年先上到車,你話如果美國開始加息,對呢班緊緊過到壓力測市既人就大件事啦。

人人(好友淡友)睇法都唔ㄧ樣,如果只懂笑而不懂分析既人,我會覺得好悲哀!!!如果現時既局勢下話要入貨買樓既人,可以用你既睇法寫出黎討論ㄧ下。唔好人云逆云!!

32. 西瓜波 2016-07-27 10:33:37
我都認為不宜入市,呢半年應該係二手業主賣樓既最後冲厠,因為發展商hold貨,我地就要入市,佢散貨,我地就要散得快過佢,因為發展商睇到既野ㄧ般我地係睇唔到架。
33. 湯告老師 2016-07-27 13:35:27
絶對認同假難民睇法
34. 引刀一快 2016-07-27 14:38:02
大家仲係睇下佢笑乜先喇,一頭霧水。
35. Lw 2016-07-29 00:32:53
感謝湯博士,一直有留意您的專欄。
今年3月以白居二買入左,今日計起總係最平的。好在當時我堅持年頭時樓價跌係最多買的,也多謝湯博士的見地令我學左好多野,受益唔少。
36. 黑馬 2016-07-30 18:22:05

朋友,CY想要連任,鏡頭前走中間路線,鏡頭後就聯繫商界,未來半年做事,會以尋求商界的支持為目的。近日,看到吆喝開路的馬前卒 17號就略知一二。

大家正好利用未來半年這個機會 --- 大幅度加住宅租 !!

要知道,任何投資市場都有羊群心理和水魚,出口術是可以做市。