在半年前有套短片《香港將於33年後毀滅》講述一顆小行星將於2046年擊中香港，三分二港人選擇離開，大財團撤離，自由行不再訪港。
意想不到的是，之後香港卻因而「重生」，街坊小舖得以生存，樓價下跌至每人可以買兩個單位，普選只用了三個月就完成。..........
「心態」決定你的「行為」，
「行為」做久了便養成「習慣」，
「習慣」決定你的「性格」，
「性格」最後決定你的「命運」，
因此一開始你有乜東東「心態」，其實已經決定你的一生的「命運」！
以下文章寫得好好：-
【讀書時候，有個「變態佬」。
佢考試100分，我第一個反應，「佢好彩啫」。
然後變態佬連續十次100分，我第二個反應，「梗係啦，佢有補習。」
跟着我發現，變態佬從來未補過習，我第三個反應，「佢冇朋友，如果唔讀書，邊有其他世藝。」
有日我知道，原來變態佬相識滿天下，個個爭住同佢交心。「最弊佢運動唔掂呢。」
Sorry，網球校隊，跳遠冠軍，200米蝶式的紀錄保持者。
讀書又得，朋友又多，運動又掂，你想點？
冇符，惟有下個最黑心的結論，「個天好公平，通常啲咁完美嘅人，一定好短命。」
別人完美，就咒人短命，真正的變態佬是我。】
【別人成功，自己沒有，很自然找藉口。
我以前也上述故事中講的毛病，只是略有不同：
當我以前見到別人成功時，我會諗「有冇攪錯！嗰條咁嘅木嘴都掂？」
之後會發現身邊好多「木嘴」都成功，有D仲系超級成功，反而係自己庸碌。
最後諗通咗，原來係自己先入為主幫成功set死個模式，唔符合呢個模式就認為是無法成功，其實絕對唔係！
一個可能唔起眼嘅長處，撞正天時地利人和，咁就踏上青雲路，當然成功持續幾耐仲要睇個人。
輕鬆行好自己條路，別人自有別人的軌跡，好多時模仿不來，互相尊重、欣賞已足夠。】
